رسميًا.. رحيل مدرب جديد من الدوري المصري
أعلن نادي الجونة رحيل أحمد مصطفى بيبو، المدير الفني للفريق الأول لكرة القدم، لينضم إلى قائمة المدربين الراحلين عن أنديتهم في الدوري المصري الممتاز خلال موسم 2026-2027.
ونشر نادي الجونة بيانًا عبر حساباته الرسمية، وجه خلاله الشكر إلى أحمد مصطفى بيبو على الفترة التي قضاها مع الفريق.
وكتب الجونة في بيانه: "تقدم نادي الجونة بخالص الشكر لـ أحمد مصطفى بيبو".
وأضاف : "فيه ناس بتكون جزء من رحلة النادي، وناس بتسيب أثر يفضل موجود حتى بعد ما الرحلة تخلص، وكابتن بيبو من الناس اللي ليها مكانة خاصة في قلوبنا".
وتابع: "شكرًا على كل لحظة تعب، وكل مجهود اتبذل، وكل حاجة قدمتها للفريق والنادي، الفترة اللي قضيتها معانا كان ليها قيمتها، وهنفضل دايمًا مقدّرين كل اللي قدمته بكل إخلاص وتفانٍ".
وواصل: "يمكن الرحلة تكون وصلت لنهايتها، لكن كل التقدير والاحترام ليك هيفضلوا موجودين".
واستكمل النادي: "من قلبنا، بنتمنالك كل الخير والتوفيق والنجاح في اللي جاي، وإن شاء الله تكون خطواتك الجاية مليانة نجاحات".
واختتم الجونة بيانه قائلًا: "شكرًا يا كابتن بيبو على كل حاجة، وكل التوفيق ليك دايمًا، وهتفضل دايمًا جزء من عيلة نادي الجونة".
